- Dominique Aegerter gudogna il campiunadi mundial dal supersport 2021.
- Al Bernais tanscha en la terz ultima cursa a San Juan il terz plaz.
- La decisiun croda gia baud, perquai che l'ultim concurrent dad Aegerter, Steven Odendaal, croda curt suenter il start.
Gia en l'emprima storta è crudaa la decisiun en la stagiun dal supersport. Il giuven da 19 onns, Manuel Gonzalez, vegn encunter la roda davos da Steven Odendaal ed ha uschia chaschunà ch'il Sidafrican croda. El ha bain pudì ir vinavant, dentant è el lura crudà or suenter ina segunda crudada in pèr rundas pli tard.
Cun quai è il titel stà segirà per Dominique Aegerter, che n'avess betg pudì perder dapli che dus puncts sin ses ultim concurrent. La finala hai tanschì cun gudagnar il terz plaz sin il cirquit da San Juan, al pe da las Andas.
Aegerter dominant – futur intschert
La victoria dad Aegerter è meritada, malgrà la crudada dad Odendaal. Il Bernais da 31 onns ha manchentà duas cursas pervi dal final da stagiun en la MotoE e stat tuttina gia cler sco victur da la stagiun. En ses emprim onn sin la Yamaha ha el gudagnà 10 da 22 cursas ed è ulteriuras quatter giadas stà sin il podest.
Aegerter è il segund svizzer suenter Randy Krummenacher il 2019, che ha gudagnà il titel en la classa dal supersport. Malgrà la buna stagiun en il supersport e la MotoE, nua ch'el è vegnì disqualifitgà en l'ultima cursa ed uschia vegnì be segund en il classament, pudess in return da Aegerter en ina classa pli auta restar in siemi. Sch'el veng er proxim onn a restar en il supersport ed en la MotoE, n'è anc betg decidì definitivamain.
Entant datti anc la finiziun en cnap in mais. Quai sin ina pista rest nova sin l'insla indonesa Lombok. Quai duai esser ina prova generala per la premiera dal MotoGP l'autra stagiun.