Suenter ils campiunadis mundials dal 2019 a Doha ed il campiunadi europeic a Berlin dal 2018, sa tschenta la staffetta da 4x100 meters da las dunnas er als gieus olimpics a Tokio sin il malengraziaivel quart plaz.
En 42,08 secundas han Riccarda Dietsche, Ajla Del Ponte, Mujinga Kambundji e Salomé Kora pers il cumbat per bronz encunter las Britas. Quai per dus dieschavels. Aur han gudagnà las topfavuritas dal Jamaica davant las Americanas.
Protestas cunter cursa da Jamaicanas
Anc in pulit mument èsi restà tendì en il stadion d'atletica leva. Las atletas Americanas hajan mess en protesta encunter la cursa da las Jamaicanas. Ma quai n'ha midà nagut vid il resultat. I resta tar il resultat che las Jamaicanas gudognan.