- Ils dus victurs en il sprint da skating a Lillehammer èn Maja Dahlqvist e Johannes Kläbo.
- Meglra prestaziun per la Svizra fa Nadine Fähndrich cun il 7avel plaz.
- La runda da k.o. tar ils umens ha lieu senza participaziun da la Svizra.
A Lillehammer en la Norvegia ha Nadine Fähndrich manchentà il final en il sprint da skating. La Svizra è vegnida 7avla. Per Laurien van der Graaf era la cursa a fin gia suenter il quartfinal.
Runda da k.o. tar ils umens senza la Svizra
Tar ils umens era la Svizra betg a la partenza en ils quartfinals dals megliers 30. Erwan Käser (37avel) e Roman Furger (53avel) èn restads pendids en la qualificaziun. Gudagnà la cursa tar ils umens ha il matador local, Johannes Kläbo.