Marc Berthod na prenda dentant betg cumgià dal sport. Suenter ina scolaziun en il management da sport ha el cumenzà quest’emna cun ina scolaziun da trenader.
L’emprim pass en il grond mund da skis internaziunal
Tar il champiunadi mundial en sia patria a San Murezzan ha Marc Berthod fatg l’emprima giada il pass en la fanestra da skis mundiala. Sco in dals giuvens selvadis ha Berthod lura pudì ir a la partenza dal slalom e da la super cumbinaziun. Lura anc cun success moderà. Quel è vegnì pir pli tard.
Ils megliers onns
Per exempel l’onn 2003 cura che Marc Berthod è vegni champiun mundial dals juniors. En sia disciplina da basa, il slalom ed era en il slalom gigant era Berthod al principi da sia carriera in dals megliers dal mund.
Avanzà fin tar l’elita è Marc Berthod ils onns 2007 e 2008 cura ch'el ha gudagnà sin l'enconuschenta costa dal ‘Kuenisbergli’ ad Adelboden il slalom ed il slalom gigant. Ad Are in Svezia ha Berthod gudagnà tar il champiunadi mundial da skis la medaglia da bronz en la super cumbinaziun.
Sias feridas han sforzà a Berthod da finir sia carriera sco activ
Dapi lura n'è Marc Berthod mai pli stà bun da mussar talas prestaziuns. Las feridas dals ultims onns sforzan Berthod da terminar sia carriera. Suenter ina greva blessura dal schanugl l’onn 2014 ha Berthod investì anc ina giada bler temp e forza per pudair cuntinuar cun ses siemi da terminar la carriera suenter il champiunadi mundial da skis 2017 a San Murezzan.
In'ulteriura ferida il schaner da l’onn passà ha uss dentant terminà il siemi da finir cun la carriera en sia stretga patria.
RR Sportissimo 17:00