Siglir tar il cuntegn
Inhalt

Maraton da skis 2018 Record dad annunzias, dentant mancanza da sponsurs

Il Maraton da skis engiadinais è a la tschertga da sponsurs. Malgrà in record da participants èsi grev da chattar novs sponsurs.

Menduri Kasper.
Legenda: Menduri Kasper. Keystone

Il Maraton da skis engiadinais festivescha quest onn il giubileum da 50 onns. Ils 16 da mars da l’onn 1969 ha gì lieu l'emprim maraton en Engiadin'Ota. Uss 50 onns pli tard ha il maraton annunzià in record da participants. 14’200 passlunghistas e passlunghists participeschan a la cursa da Malögia a S-chanf. Pervia dal grond interess han ils organisaturs dal maraton stuì limitar il dumber da participants.

Dus sponsurs termineschan collavuraziun

Era sch'il Maraton da skis engiadinais è uschè popular sco anc mai, han ils organisaturs problems da chattar sponsurs. Dus gronds sponsurs termineschan suenter l’ediziun da giubileum la collavuraziun cun il maraton. Uschia ch'ils responsabels dal maraton han dad ir a la tschertga dad auters donaturs. La tschertga è dentant greva, firmas grondas investeschan pli e pli en auters products.

E-sport è per nus segir in dischavantatg
Autur: Menduri Kaspermanader da fatschenta Maraton

E-sport, ina da las concurrenzas

Blers daners da sponsoring van gia uss en la sparta dad e-sport. Quai èn concurrenzas da sport che in e mintgin sa dar davent da chasa cun ina consola en la rait. Gia uss datti er equipas da ballape u da hockey che dattan per puncts e titels en furma digitala

RR actualitad 07:00