Siglir tar il cuntegn

Maraton da skis 2018 Gia grond travasch en il village da maraton a San Murezzan

A San Murezzan Bagn pon participantas e participants retrair lur numer da partenza dapi l'avantmezdi. La gronda part para d'avair buna luna – er sche las prognosas da l'aura empermettan plitost in maraton bletsch.

Cun 14'200 passlunghistas e passlunghists è la 50avla ediziun dal Maraton da skis engiadinais vendida ora. Avant che tut quels millis pon dentant ir damaun en la loipa ston els retrair lur numer da partenza. Quai pon els far dapi l'avantmezdi a San Murezzan Bagn. Sco Barbara Giovanoli ina da las gidantras che dat ora ils numers di, haja la gronda part da la glieud buna luna e sa legria sin l'ediziun da giubileum dal Maraton da skis engiadinais.

Gnanc la prognosa da l'aura po disturbar la bun'atmosfera

Ils blers passlunghists sajan da buna luna malgrà che las prognosas da l'aura n'èn betg fitg positivas. Enstagl da sulegl èsi plitost da quintar cun plievgia e naiv sin il traject dil maraton. Persunas che veglian perquai betg ir a la partenza dalla cursa ha Barbara Giovanoli perquai dentant betg inscuntrà. La finala saja esser da la partida tut. Cunzunt tar ina ediziun speziala sco quest onn – il 50avel Maraton da skis engiadinais.

RR actualitad 11:30