Suenter quatter terradas en seria en il campiunadi svizzer ed en la cuppa svizra ha il Club da hockey da Tavau puspè gudagnà ina giada. Il HCD ha battì a chasa Fribourg-Gottéron cun 5:3. L'ultim gol ha sajettà Dino Wieser en il gol vit.
Colurs insolitas
Las duas equipas han, dal reminent, giugà en tricots cun colurs nunusitadas. Tavau en nair e Fribourg en verd. Quai èn las colurs da l’organisaziun caritativa Greenhope che s’engascha en il cumbat encunter il cancer d’uffants. Radund 750 persunas da l’entira Svizra, uffants malsauns e lur geniturs, en stads envidads al gieu ed a dus dis da recreaziun a Tavau.