Siglir tar il cuntegn

Finals cuppa GR ballape Cumbat per la cuppa grischuna

Tar las dunnas è il final il medem sco l'onn passà, numnadamain Tusaun/Cazas cunter Domat. Las damas da Tusaun han gia gudagnà il titel 3 giadas en seria. Tar ils umens vegni tar il duel tranter Cuira e Moesa.

Era quest onn mussa RTR ils finals da la Cuppa grischuna live.
Legenda: Era quest onn mussa RTR ils finals da la Cuppa grischuna live. RTR

La rolla da favurit tar las dunnas è clera, quella han las dunnas da Tusaun/Cazas. Ellas giogan en ina liga pli auta (1.) che las dunnas da Domat (2.). Plinavant han las giugadras da Tusaun gudagnà la Cuppa grischuna ils davos 3 onns.

Cuira - Moesa

Tar ils umens è la situaziun da partenza pli averta. La segunda equipa da Cuira gioga en il final cunter Moesa. Omaduas equipas dattan en la terza liga. L'equipa da Cuira, che vala era sco equipa da U20 da Cuira, dat cun blers talents giuvens. L'equipa da Moesa è main enconuschenta en il Grischun, ella dat il campiunadi cun las equipas dal Tessin.