Ils dus giuvens tiradurs sursilvans turnan cun trais medaglias dal campiunadi svizzer da sajettar cun buis d'aria ch'è stà a Berna. En la categoria dals juniors U21 vegn Chris Wolf vicecampiun svizzer. Sin la schiba da 10 meters fa il giuven da 19 onns da Trun en il duel per aur 238,1 puncts. Il victur e campiun svizzer Sven Bachofner 244,7 puncts. En la medema categoria tar las junioras gudogna Annina Tomaschett, medemamain da Trun, la medaglia da bronz.
Ensemen, en la categoria mixed, gudognan Chris Wolf ed Annina Tomaschett la medaglia d'argient per la federaziun grischuna da tir al campiunadi svizzer da sajettar cun buis d'aria. Il titel en questa categoria va en Svizra centrala al duo Sandra Arnold e Silas Stadler.
Ord l'archiv
Annina Tomaschett è stada dacurt l'emprima juniora grischuna al campiun europeic da sajettar:
