Swiss Ski ha dà enconuschent il cader da las dunnas per l'emprima cursa da la stagiun a Sölden en l'Austria sin il glatscher da Rettenbach. A la partenza dal slalom gigant, ch'è sonda proxima van 8 skiunzas:
- Lara Gut-Behrami
- Wendy Holdener
- Michelle Gisin
- Andrea Ellenberger
- Camille Rast
- Simone Wild
- Corinne Suter
- Mélanie Meillard
Dumengia ha Swiss ski fatg enconuschent il cader per l'emprima cursa da la stagiun a Sölden. A la partenza dal slalom gigant ch'è l'autra dumengia en l'Austria van er 4 skiunzs grischuns quai cun Gino Caviezel, Thomas Tumler Livio Simonet e Fadri Janutin.
Al giubileum da 30 onns da la festa da la cuppa mundiala a Sölden na s'impona nagut pli. La federaziun internaziunala da skis (FIS) ha declerà gievgia che las cursas dal slalom gigant da las dunnas e dals umens ils 28 e 29 d'october na sajan betg periclitadas. Sin il glatscher da Rettenbach datti pia naiv avunda per las concurrenzas, malgrà las temperaturas ch'eran gia avant fitg autas.