Il stadion olimpic a Minca na dastga betg vegnir illuminà en las colurs da l'artg durant il gieu da ballape tranter la Germania e l'Ungaria. L'UEFA ha scumandà quest'acziun e ditg ch'ins saja politicamain e religiusamain neutral. Uss vulan ils gestiunaris dals stadions da Frankfurt e Cologna metter in segn ed illuminar lur stadions cun las colurs da l'artg durant il gieu a Minca. Era tschertas chasas communalas duain purtar quella saira las colurs da l'artg.
Cun quest'acziun vulevan las autoritads da Minca render attent ad ina nova lescha ungaraisa. Quella vul bandischar homo- e transsexualitad ord la vita publica. Cunzunt ils dretgs e las pussaivladads per giuvenils da s'infurmar davart homo- e transsexualitad duain vegnir restrenschids.
audio
Per tadlar: Las novitads da las 16:00
ord RTR Audio dals 22.06.2021.
laschar ir. Durada: 3 minutas 27 Secundas.