Siglir tar il cuntegn

Header

cuntegn

Runda da discussiun lutga «3 en il resgim»

Mintga trais onns spetga la Festa federala da lutga – ina festa gigantica. Cun la grondezza da questa festa è er creschì l’interess per il sport da lutga. Dentant: Tge pomai è in «Kurz», co vegnan repartids ils puncts e co vegnan tschernids ils duels? Ils «3 trais en il resgim» han las respostas.

Il siemi da mintga lutgader è da participar almain ina giada en sia carriera ad ina Festa federala da lutga. Be ils megliers cumbattan mintga trais onns per il titel dal retg da lutga. E be ils megliers han la schanza da cuntanscher quest siemi.

La Festa federala da lutga è dentant bler dapli che mo ina concurrenza sportiva, in cumbat gigantic tranter ils pli ferms umens dal pajais. A la pli gronda festa populara da la Svizra ils 27 e 28 d'avust a Pratteln vegnan spetgads mintga di passa 100’000 persunas.

En la seria da discussiun «3 en il resgim» tematiseschan Paula Nay, Andreas Wieland e Roman Dobler dumondas las pli actualas en connex cun la Festa da lutga federala.

Guardar sez, co quai va…

Per rapportar uschè bain sco pussaivel da la lutga, èsi bun, sch'ins sa, co quai è. Quai ha pensà era nossa redactura Paula Nay ed ha da curt trenà cun lutgadras.

video
Nossa reportra Paula ha era trenà la lutga
Or da Telesguard dals 26.08.2022.
laschar ir. Durada: 3 minutas 18 Secundas.

RTR actualitad 11:00

Artitgels legids il pli savens