Siglir tar il cuntegn
cuntegn

Regiunal Vital Albin segund ad Andermatt

Il newcomer grischun da l'onn Vital Albin ha manchentà a la cursa dal Swiss Bike Cup ad Andermatt be per pauc la victoria en la categoria dals U-23. Albin è vegnì segund davos Filippo Colombo dal Tessin. Persvadì tar ils U-23 ha era Ursin Spescha, il mountainbiker da Sevgein è vegnì 7avel.

Il ciclist indigen Reto Indergand ha gudagnà ad Andermatt la cursa d'elita dal Swiss Bike Cup. Indergand ha gudagnà la cursa en il chantun Uri cun in avantag da 17 secundas avant ses prim concurrent, Martin Fanger.

Ord vista grischuna ha Andrin Beeli da Sagogn procurà tar l'elita per il meglier resultat. Beeli ha terminà la cursa ad Andermatt sco 15avel, quai cun in retard da set minuts e mez sin Indergand.

RR sportissimo 17:00