Siglir tar il cuntegn

Header

Navigaziun

cuntegn

Regiunal Uffants treneschan cun ils stars

Ina giada esser datiers ad in star da la scena d’atletica leva, ina giada trenar cun in champiun olimpic, o cun in champiun mundial. Quai è il siemi da mintg'uffant che s’interessa per l’atletica leva.

Dapi in pèr onns accumplescha la concurrenza d’atletica leva «Weltklasse Zürich» quest giavisch. Avant che participar al meeting a Turitg s’inscuntran ils stars cun uffants en tut la Svizra, era a Cuira. Hugo Santacruz, Linda Züblin, Evan Jager e il champiun mundial ed olimpic Greg Rutherford han visità la chapitala grischuna e trenà cun uffants indigens.