Siglir tar il cuntegn
cuntegn

Regiunal Tuttina betg: Tambornino na po betg far part a la cuppa mundiala

Eligius Tambornino ha stuì infurmar ch'el saja malsaun e na sappia perquai tuttina far sia premiera en la cuppa mundiala dal biatlon. Il sportist da Trun fiss stà nominà per la cursa ad Oberhof da gievgia ils 5 da schaner.

Eligius Tambornino dat ina intervista ad RTR.
Legenda: Eligius Tambornino parta quest'emna per l'emprima giada en la cuppa mundiala da biatlon. RTR

Sco sprinter da passlung era Tambornino stà il favrer 2014 als gieus olimpics a Sochi en Russia. El n’è lura dentant betg vegnì da sa metter tras en la qualificaziun interna. Suenter ha el terminà sia carriera da passlung e cumenza ina nova, quella da biatlon.

Simpel n’è quai dentant betg stà. La stagiun vargada cun resultats mediochers è stada frustranta. Ma en la stagiun actuala èn ils resultats buns ed uschia aveva Eligius Tambornino survegnì la schanza da sa mesirar cun l’elita mundiala. Ma ussa puspè in cuntraculp. El è malsaun e na po betg far part da la cursa.

RR sportissimo 17:00