Il Spagnol Tofol Castanyer è il nov retg dal Swissalpine, l’ultramaraton alpin a Tavau. Castanyer ha gudagnà la cursa roiala K78 en in temp da bun sis uras e 25 minutas.
Legenda:
Il victur dal K78:
Il Spagnol Tofol Castanyer.
RTR, Andreas Wieland
2 / 17
Legenda:
Curt suenter la partenza dal K78, la damaun a las 07:00 a Tavau.
RTR, Andreas Wieland
3 / 17
Legenda:
Ils curriders dal K78 han stuì currer sur il viaduct da Wiesen / Tagn.
RTR, Andreas Wieland
4 / 17
Legenda:
Il viaduct da Wiesen / Tagn.
RTR, Andreas Wieland
5 / 17
Legenda:
Curriders sin il viaduct da Wiesen / Tagn.
RTR, Andreas Wieland
6 / 17
Legenda:
Curt avant Bravuogn, suenter bun la mesadad dals 78 kilometers.
RTR, Andreas Wieland
7 / 17
Legenda:
Bun 39 kilometers èn dumagnads curt avant Bravuogn.
RTR, Andreas Wieland
8 / 17
Legenda:
Bravuogn: in dals numerus lieus ch'ils curriders dal Swissalpine han gì da passar tras.
RTR, Andreas Wieland
9 / 17
Legenda:
Il Swissalpine 2017 ha manà amez tras il vitg da Bravuogn.
RTR, Andreas Wieland
10 / 17
Legenda:
In dals puncts spectacularas dal Swissalpine: la chamona da Kesch.
RTR, Andreas Wieland
11 / 17
Legenda:
Roman Wyss
ch'è vegnì segund curt avant la chamona da Kesch.
RTR, Andreas Wieland
12 / 17
Legenda:
... prest arrivà tar la chamona da Kesch.
RTR, Andreas Wieland
13 / 17
Legenda:
La via en direcziun pass Sertig pretenda bler dals curriders.
RTR, Andreas Wieland
14 / 17
Legenda:
Vista en direcziun pass Sertig.
RTR, Andreas Wieland
15 / 17
Legenda:
Ils curriders dal Swissalpine 2017 han gì ina culissa magnifica.
RTR, Andreas Wieland
16 / 17
Legenda:
Andrea Tuffli,
il fundatur dal Swissalpine persequitescha la cursa or dal helicopter.
RTR, Andreas Wieland
17 / 17
Legenda:
Ina gervosa bain meritada per il victur Tofol Castanyer suenter 78 kilometers.
RTR, Andreas Wieland
Il currider da Mallorca ch’è sa participà l’emprima giada al Swissalpine è uschia stà bunamain otg minutas pli spert ch’il segund, il Svizzer Roman Wyss. Terz è vegnì l’American Matt Flaherty.
audio
Reportascha dal Swissalpine Marathon sur 78 km
03:50 min, ord Sportissimo dals 29.07.2017.
laschar ir. Durada: 3 minutas 50 Secundas.
audio
Impressiuns d'Andreas Wieland che ha accumpagnà il Swissalpine
06:28 min, ord Sportissimo dals 29.07.2017.
laschar ir. Durada: 6 minutas 28 Secundas.
audio
Swiss Irontrail sur 214 km - ils blers èn da viadi fin dumengia
05:19 min, ord Sportissimo dals 29.07.2017.
laschar ir. Durada: 5 minutas 19 Secundas.
03:34
video
Swissalpine 2017
Or da RTR dals 30.07.2017.
laschar ir. Durada: 3 minutas 34 Secundas.
Terrada grischuna tar las dunnas
Tar las dunnas ha gudagnà suveran Ida Nilsson. La Svedaisa ha duvrà per ils 78 kilometers da Tavau a Bravuogn sur il pass Sertig ed enavos a Tavau bun set uras e tschintg minutas. Ida Nilsson è uschia la successura da Jasmin Nunige da Tavau. La mattadura locala e favurita ha stuì terminar la cursa a Bravuogn pervi d’ina blessura vid in pè. Nunige ha gia gudagnà set giadas sia cursa roiala da chasa.
Tut en tut èn bunamain 500 curridras e curriders sa participads al K78, pia sur la distanza lunga dal Swissalpine a Tavau.
Il Talian Peter Kienzl ha gudagnà la cursa roiala dal Swiss Irontrail T214. Kienzl ha duvrà per ils 214 kilometers da Tavau ver l'Engiadina enavos sur Surses puspè a Tavau bunamain 35 uras. La partenza per questa cursa extrema è stada il venderdi endamaun a las 04:00. Kienzl ha sco emprim cuntaschì l'arrivada la sonda suentermezdi curt avant las 15:00.
