Siglir tar il cuntegn
Inhalt

Regiunal Trenament individual per passlunghists svizzers

Prest tut ils passlunghists svizzers abitan e treneschan normalmain a Tavau. Quest’emna èn els dentant a San Murezzan per sa preparar sin ils campiunadis mundials en Svezia, che cumenzan mez favrer.

Passlunghist va stil classic sin la loipa.
Legenda: Ils passlunghists svizzers e las passlunghistas svizras sa preparan per il campiunadi mundial a Falun. Keystone

Il program da trenament è fitg different. Curdin Perl che ha desistì da las cursas da la cuppa mundiala il schaner ha uschia gia trenà bler las davosas emnas. Ussa possia el per exempel prender in zic pli pacific e chargiar las battarias.

Era Jonas Baumann ha trenà bler las davosas emnas. El possia uss trenar ruassaivlamain e giaudia dad ina giada trenar en in auter lieu che Tavau.

Restà a Tavau è Toni Livers. Sco il trenader Christian Flury ha ditg, saja el in pau malsaun. Enfin il campiunadi mundial saja el dentant puspè fit.