Siglir tar il cuntegn

Header

audio
Transviamala ha festivà giubileum da 20 onns
Or da Actualitad dals 25.10.2021.
laschar ir. Durada: 4 minutas 14 Secundas.
cuntegn

Transviamala e Transruinaulta Er en furma pli pitschna in success

Las cursas da currer Transruinaulta da Glion a Tusaun e Transviamala da Tusaun a Donat èn danovamain stadas in success cumplain. Aura perfetga, ina culissa magnifica, 1000 curridras e curriders cuntents e sco adina in grond buffet da pettas procuran per ina bilantscha positiva.

Betg la grondezza da las cursas è l’impurtant mabain la qualitad.
Autur: Thomas Häusermann president comité d'organisaziun

Ord motivs da corona han ils organisaturs decidì gia baud da limitar il dumber da curridras e curriders sin mintgamai 500. Ma er cun quest dumber reducì saja stà ina fitg buna fin d’emna manegia Thomas Häusermann, il president dal comité d’organisaziun. I sajan stadas cursas pli modestas e famigliaras. Ma els sajan cuntents ch’i haja puspè dà cursas en la furma usitada suenter ch’il Transviamala ed il Transruinaulta eran stads il 2020 unfrendas da la pandemia da corona.

Thomas Häusermann
Legenda: Thomas Häusermann, president comité d'organisaziun mad

Ina chanzun sin giubileum da 20 onns Transviamala

La cursa Transviamala ha festivà quest onn il giubileum da 20 onns. Cumenzà ha tut dentant gia pli baud. Il 1980 èn vegnidas organisadas las emprimas cursas da currer en la Val Schons, il Schamserlauf. Restà legendar sur tut quels onns è il buffet da pettas e la part culinarica che tutga tiers al Transviamala. Per l’entira regiun è quest di da cursa er in di da festa.

audio
Chanzun Transviamala – Tras vals e sur rischs
ord RTR Audio dals 25.10.2021.
laschar ir. Durada: 3 minutas 42 Secundas.

Sin l’ediziun da giubileum 20 onns Transviamala è er vegnì cumponì ina chanzun che raquinta l’istorgia da quella cursa. Melodia e text vegnan da Nadia Ambühl, scolasta a Donat e commembra dal comité d’organisaziun. La chanzun chantada dals uffants da la scola da Donat ha gì sia premiera a la partenza dal Transruinaulta a Glion.

RTR Actualitad 17:00

Artitgels legids il pli savens

Scrollar a sanestra Scrollar a dretga