Siglir tar il cuntegn
Inhalt

Regiunal Trais Rumantschas a la notg da sport 2018

Irene Cadurisch e Seraina Friedli èn nominadas en la categoria «sportista da l'onn 2018» e Luana Bergamin è ina da las candidatas nominadas en la categoria «funcziunari da l'onn 2018».

Plinavant han atlets ed atletas la pussaivladad da vegnir elegids en las categorias «newcomer da l'onn», «team da l'onn» e «sportist da l'onn cun impediment».

Irene Cadurisch e Seraina Friedli fan differents sports. Ma ellas han insatge communabel: la nominaziun sco sportista da l'onn 2018.

Il sport è mia vita.
Autur: Irene Cadurischbiatleta

La biatleta Irene Cadurisch da Malögia è sa participada als gieus olimpics a Pyeongchang ed ha recaltgà là in diplom. Seraina Friedli, è naschida a Samedan ed è nominada per sia buna prestaziun en il gol dal FCZ e la squadra naziunala da ballape.

En sasez è il ballape il plan b.
Autur: Seraina Friedligoli

Era per Luana Bergamin, ch’è nominada sco funcziunaria èsi in'onur d'esser nominada. La Sutsilvana ha accumpagnà la delegaziun paralimpica a Pyeongchang.

In'inclusiun cun ils normals.
Autur: Luana Bergaminscheffa da missiun

Rumantschs han adina puspè triumfà a la notg da sport grischuna

Il premi da l'onn 2008 aveva Dario Cologna savì prender a chasa suenter ch’el aveva gudagnà il classament general da la cuppa mundiala. Dus onns pli tard ha Nino Schurter da Tersnaus persvas tar il voting dal public – quai suenter ch’el aveva gudagnà sco pli giuven il campiunadi mundial en l’istorgia da mountainbike.

Sportissimo 17:00