Siglir tar il cuntegn

Regiunal Trair tschoccas – Bass e Cotti manchentan final

Nagin cletg per ils dus atlets da trair tschoccas da l'Engiadina Orlando Bass e Niclà Cotti – tar ils campiunadis mundials ad Amstetten en Austria. Omadus n'arrivan betg tranter ils megliers 12 da la qualificaziun.

Orlando Bass e Niclà Cotti.
Legenda: Orlando Bass e Niclà Cotti. MAD, Nicolo Bass

Ils dus giuvens engiadinais han manchentà la qualificaziun per il final en la concurrenza sut 19 onns tar ils campiunadis mundials ad Amstetten en Austria. Orlando Bass da Strada ha cuntanschì plazza 22 cun 184 puncts, e Niclà Cotti da Ramosch è vegnì 36avel cun 136 puncts. Per esser da la partida en il final dals megliers 12, avess quai duvrà stgars 230 puncts.

Il venderdi cuntinueschan ils campiunadis mundials cun la qualificaziun per il final da la concurrenza d’equipa. En quella ha la Svizra cun il duo Bass e Cotti gudagnà l'onn passà la medaglia da bronz, tar il campiunadi europeic en Svizra.