A l’equipa da la Svizra Centrala ha tanschì in pari da 3:3 encunter ils Young Tigers da Langnau. L’emprima partida da la Finalissima a Scuol aveva l'EV Zug gudagnà cun 3:2 encunter Langnau.
Revantscha per il final pers la stagiun passada
Gia la davosa stagiun era l’equipa dals novizs d’elita da l'EV Zug en la Finalissima. Lura aveva dentant Bienna gudagnà il titel. Encunter la medema equipa ha l'EV Zug gia dà en il mezfinal. Zug n’ha betg laschà schanza a Bienna e gudagnà la seria cun 3:0. La victoria en il final encunter Langnau è segir anc il punct sin il «i» suenter ina lunga stagiun.
Las meglras equipas en il final
Ils novizs d’elita da l'EV Zug ed ils Young Tigers da Langnau eran gia suenter la qualificaziun las meglras equipas. Tant pli bel èsi sche las meglras equipas da l’entira stagiun èn lura anc en il final. Era qua eran ils duels fitg stretgs. La fin finala ha decis in solit gol a favur da l'EV Zug.
RR Sportissimo 17:00
