Siglir tar il cuntegn
Inhalt

Regiunal Tir da Chalavaina – victoria per il club da pistolas Val Müstair

Il club da pistolas Val Müstair gudogna la concurrenza da 50 meters tar il tir da Chalavaina.

Il club da pistola Val Müstair cun Duri Campell.
Legenda: Il club da pistola Val Müstair e Duri Campell (sanester). ANR, Flurin Andry

Il club da pistolas da la Val Müstair gudogna la concurrenza da tir istorica – il tir da Chalavaina. L’equipa cun Elmar Fallet, Reto Roussette, Roman e Daniel Clavadetscher, Dumeng Fallet e Robert Züst cuntanscha 626 puncts e gudogna uschia la concurrenza da tir en la Val Müstair.

Tar la concurrenza cun buis è l’equipa dals veterans da tir grischuns la pli ferma. Els cuntanschan 631 da maximal 720 puncts. L’equipa indigena, la societad da tregants da Sta. Maria sa classescha sin plaz tschintg.

Il tir da Chalavaina è l’unic tir istoric en Grischun. El commemorescha la guerra da la Chalavaina nua che las Trais Lias sut Benedetg Fontana han battì l’onn 1499 ils Austriacs sut retg Maximilian I.

Legende: Video Tir da Chalavaina abspielen. Laufzeit 03:34 Minuten.
Or da Actualitad video dals 21.05.2017.

En il Telesguard da damaun mussain nus dapli dal 55avel Tir da Chalavaina. Lura accumpagnain nus il president dal comité d'organisaziun, Aldo Pitsch.

RR Sportissimo 17:00