Siglir tar il cuntegn

Header

Vanessa Grond club da tennis Val Müstair
Legenda: Vanessa Grond dal club da tennis Val Müstair MAD, Vanessa Grond
cuntegn

Tennis Puspè savair far in ass u in volley

Sco in dals emprims profitescha il sport da tennis da las schluccadas en connex cun il coronavirus. Ils clubs en l’entir Grischun èn pronts per il cumenzament da la stagiun.

Pass per pass vegnan schluccadas las mesiras da segirezza en connex cun il coronavirus. Plaunet pon ins era puspè far sport. Il sport da tennis è in dals emprims che profitescha da la schluccada. Il sport n'è betg in sport da contact sco per exempel dar ballape. Sin ina plazza da tennis èsi simpel da resguardar la distanza, da nettegiar ils mauns avant e suenter il sport e da prender las atgnas ballas da tennis.

Ils clubs e las plazzas èn prontas

Dapertut s'han ils clubs, las giugadras ed ils giugaders da tennis sa preparà sin il cumenzament da la nova stagiun. Cun tegnair en las mesiras da segirezza èsi pussaivel da puspè far quest sport. Ina da las premissas è adina era, che la plazza vegn reservada ad ura, ch'ils giugaders vegnan be curt avant la partida sin il plaz e ch'i na vegn betg dà il dubel. Sin occurrenzas pli grondas vegn desistì per il mument. Era qua vala: betg dapli che tschintg persunas en il medem lieu.

Club da tennis Val Müstair desista sin turnier d’avertura

Pervia da questa regla desista in dals pitschens clubs da tennis en Grischun sin il turnier d’avertura. Quel avess gì lieu mez zercladur. Perquai spera il club da tennis da pudair far il campiunadi dal club mez d'avust.

RTR Sportissimo 17:00

Artitgels legids il pli savens

Ir a sanester Ir a dretg