Siglir tar il cuntegn

Header

cuntegn

Tennis Nus avain spetgà vess

Dapi mez matg dastga puspè vegnir dà tennis. Sa chapescha cun sa tegnair vid baininqual mesira. Suenter corona ha la plievgia stedi impedì dad ir sin il plaz.

Dapi mez matg dastgan ins puspè dar tennis. A Trun, ch'ha in dals pli activs clubs en Surselva, adina puspè cun success naziunals, è vegnì spetga vess. E tuttina, conceda il president, Erich Decurtins, ch'ins haja sentì il respect e las retegnientschas pervia dal cornavirus cun tut sias prescripziuns. Il trenament scadin cas ha cumenzà pli tard ch'usità, senza il camp da trenament usità. L'ultim temp èsi dentant stà pli pauc corona ch'ha franà da trenar sin ils plazs da sablun, persuenter la plievgia.

audio
CT Trun durant prescripziuns da Corona
ord Sportissimo dals 21.06.2020. Maletg: RTR
laschar ir. Durada: 2 minutas 32 Secundas.

Dentant vegn il club da tennis da Trun cun ses 100 creschids activs ed ils 30 uffants puspè en tempra, betg be da trenar, era da turnier. La fin d'emna dals 3 fin ils 5 da fanadur spetga il turnier da tradiziun, il Cup Crestas. Sa chapescha era cun inqual prescripziun e mesiras da segirezza, igiena, distanza e glista da controlla da giugaders e visitaders. Ma era cun damain trenament, craja il president, che tensiun ed ambiziuns sajan garantidas.

audio
Il CT Trun sa prepara per il Cup Crestas
ord Sportissimo dals 21.06.2020. Maletg: RTR
laschar ir. Durada: 4 minutas 30 Secundas.

RTR Sportissimo 18:00

Artitgels legids il pli savens