Giusep Alig ha 63 onns, stat curt avant la pensiun, è dentant fit sco in pesch. El è gia sa participà tschintg giadas al Cape Epic en l’Africa dal Sid, la pli dira e pretensiusa cursa da mountainbike insumma. Ussa dastga el cumbatter al Swiss Epic en sia patria, sin ses trutgs da chasa.
Resultats Swiss Epic 2020:
Per l’emprima etappa a Laax sur 60 kilometers cun bun 2'500 meters differenza d’autezza ha il duo lumnezian duvrà bun 5 uras e 40 minutas. I saja stà dir, dentant bellezza, uschia Giusep Alig.
