Jindra è stà ils ultims 4 onns trenader da l'EHC Schaffusa e deriva da la Tschechia. Cun Oldrich Jindra vul il CDH Engiadina er investir en l'avegnir. Jindra daventa trenader da l'emprima squadra ed er dals juniors. Ultra da quai accumpogna el er tut las squadras da scolars. L'engaschament succeda independent sche Engiadina dat la proxima stagiun en segunda ubain terza liga.
Terz trenader aifer in mez onn
L'entschatta da schaner aveva Dany Gschwind inoltrà sia desditga sco trenader dal CDH Engiadina. Gschwind aveva chalà pervi dals nauschs resultats dal club.