Bleras midadas tar il club da hockey d'Arosa. Suenter ch'ils Grischuns han pers la seria da playoff quartfinal cunter Seewen, ha il club da la MyHockey League publitgà sin sia pagina d'internet tgi che banduna tut l'EHC.
Betg main che 9 giugaders dal cader n'èn l'autra stagiun definitiv betg pli da la partida. Cun auters vegnia anc discutà. L'EHC Arosa ha era communitgà ch'ins veglia infurmar en curt davart l'engaschament da novs giugaders e da prolungaziuns da cuntracts.