Siglir tar il cuntegn

Header

audio
Tadlar l'entira discussiun
Or da Actualitad dals 01.06.2022.
laschar ir. Durada: 45 minutas 2 Secundas.
cuntegn

«Sportlounge» Po in Sursilvan daventar profi da ballape?

Dar ina giada in final da ballape da la Champions League u daventar ina giada in profi da ballape sco Cristiano Ronaldo u Lionel Messi. Quai ch'è in siemi da blers reussescha mo als pli paucs. Quai è tema da la discussiun «Sportlounge» dad RTR.

La runda da discussiun

Avrir la box Serrar la box
Legenda: RTR grafica

En l'emprima emissiun vai per la via al profi. Il redactur da sport Andreas Wieland ha envidà a la discussiun:

  • Iris Nwachukwu-Casanova da Rabius e ses figl Sima che vul daventar in di in giugader sco ses idol, il Franzos Kylian Mbappè
  • Roland Casutt da Falera, schef dals juniors tar l’US Schluein Glion è dapi 30 onns en ina funcziun da trenader, principalmain da giuvenils e juniors
  • Luca Vinzens da Sagogn ch’ha empruvà da far carriera cun ir cun 15 onns tar Winterthur

Il siemi da Sima

Sima Nwachukwu da Rabius ha 12 onns e dat dapi dus onns ballape cun il Team Grischun, ina selecziun cun ils megliers giugaders da la regiun. Il giuven Sursilvan ha grond talent e viva per il ballape. Pliras giadas ad emna fan ils geniturs cun el il viadi a Domat u a Cuira per ils trenaments. In di senza ballape, quai n’enconuscha la famiglia Nwachukwu betg. Er il frar giuven da Sima, Maurin che ha 9 onns fa gia part dal Team Grischun e siemia d’in di pudair dar ballape en ils pli gronds stadions dal mund.

audio
Iris e Sima Nwachukwu – il siemi da daventar profi
ord Actualitad dals 01.06.2022.
laschar ir. Durada: 5 minutas 34 Secundas.

Tge è insumma pussaivel?

La Surselva n'ha enfin uss betg gì blers giugaders che han fatg carriera. La via ch'igl è dad ir per daventar in profi da ballape è numnadamain stentusa e diraglia. Perquai la dumonda: Èsi insumma pussaivel da daventar profi sco Sursilvan? Questa dumonda va a Roland Casutt da Falera ch'è tranter auter schef dals juniors tar l'US Schluein Glion.

audio
La via al profi – intervista cun Roland Casutt
ord Actualitad dals 01.06.2022.
laschar ir. Durada: 3 minutas 8 Secundas.

Empruvà, ma stuì ceder

Luca Vinzens da Sagogn ha oz 32 onns e lavura sco tschentapalantschieus. Mo atgnamain vuleva el daventar profi da ballape. Cun mo 15 onns ha il trenader da Winterthur vesì ses talent e clamà el en la Bassa. Paucs onns pli tard hai dentant puspè gì num turnar en il Grischun e sutterrar il siemi.

audio
Dal siemi en la realitad – intervista cun Luca Vinzens
ord Actualitad dals 01.06.2022.
laschar ir. Durada: 3 minutas 35 Secundas.

RTR actualitad 07:00

Artitgels legids il pli savens