Siglir tar il cuntegn

Header

video
Sergio Berger e Daniel Friberg, anteriurs profis en la mesapipa
Or da Giuventetgna dals 22.01.2021.
laschar ir. Durada: 30 minutas 22 Secundas.
cuntegn

Sergio Berger e Daniel Friberg «Nus faschessan anc ina giada il medem»

Ils Svizzers han adina fatg ina buna figura en la scena da snowboard, er en la mesapipa. Quai è anc oz uschia, ma ils stars svizzers vegnan da la Bassa. Quai n’è betg adina stà uschia.

Avant diesch u ventg onns cumbattevan dus Sursilvans per medaglias e plazs da podest en la mesapipa, Sergio Berger da Mustér e Daniel Friberg da Breil.

audio
Sguard enavos sin las carrieras da Sergio Berger e Daniel Friberg
ord Actualitad dals 22.01.2021.
laschar ir. Durada: 4 minutas 44 Secundas.

Entras il sport da professiun èn omadus vegnids per il mund enturn. Suenter lur carrieras ha la via dentant puspè manà enavos en patria. Sergio Berger (38) abitescha cun sia famiglia a Mustér e lavura il mument en la branscha d’immobiglias. Daniel Friberg (31) e restà a Breil e lavura là tar las pendicularas, uschia ch’el è anc oz mintga di sin pista durant l’enviern.

Ils megliers da lezzas uras

Intgins paucs onns han Sergio Berger e Daniel Friberg er concurrenzà ensemen. Sper la mesapipa eran els buns amis che discurrivan era rumantsch en quest entir circus da snowboard. Quai saja stà spezial, manegian ils dus anteriurs profis.

Daniel Friberg
Legenda: Daniel Friberg il 2008 a Saas Fee. Keystone

Omadus han gì lur success. Sergio Berger ha tranter auter gudagnà argient e bronz a campiunadis mundials dals juniors, Daniel Friberg schizunt la medaglia dad aur il 2008 en la Valmalenco en l’Italia. Er tar ils umens han omadus pudì festivar ina victoria en la cuppa mundiala, Berger il 2003 ad Arosa e Friberg il 2007 a Stoneham en il Canada.

RTR Actualitad 17:00

Artitgels legids il pli savens