Siglir tar il cuntegn

Header

Plirs giugaders da Schluein Glion.
Legenda: Schluein Glion terminescha la stagiun sco 10avel sur il stritg. mad
cuntegn

Regiunal Schluein Glion resta en 2. liga

L'Uniun sportiva Schluein Glion dat è la proxima stagiun en la segunda liga regiunala, quai malgrà la veritabla schlaffada en l’ultim gieu da la stagiun. Schluein Glion ha pers a chasa cunter Buchs cun 1:5.

La terrada ha però naginas consequenzas perquai che Rebstein il concurrent direct en il cumbat encunter la relegaziun ha medemamain pers. Rebstein stuì suttacumber a Cuera 97 cun 1:6. L'equipa da Cuera ch'era gia promovida per la secunda liga interregiunala ha pia salvà en l’ultim gieu l'autra equipa grischuna da la relegaziun.

Schluein Glion mitscha grazia a la fairness

Schluein Glion terminescha la stagiun sco 10avel sur il stritg, Rebstein sco 11avel cun tuttina blers puncts sin plaz 11 e sut il stritg. Decisiv per la rangaziun è en quest cas stà la statistica da cartas melnas e cotschnas. Schluein Glion ha giu in toc pli paucas. La fairness è pia sa pajada per ils Sursilvans ch'èn mitschads per la secunda giada ils ultims 3 onns mo pervia da quella statistica da la relegaziun.

RR sportissimo 12:00