Rheinquelle-Trail - Davide Beer: «Igl è stà bel, dentant diraglia»
Davide Beer da Rabius è in da bunamain 300 curridras e curriders ch’han dumagnà il «Lai da Tuma-Trail», la cursa roiala dal «Rheinquelle-Trail» ch’ha gì la fin d’emna sia premiera a Sedrun.
Legenda:
Davide Beer en l'intervista cun Andreas Wieland (RTR).
mad
Jau fiss stà trumpà sch’jau n’avess betg cuntanschì l’arrivada, quai è dentant er gist stà la finamira.
Il giuven da Rabius è currì ils 41,1 kilometers cun bun 3’200 meters differenza d’autezza en bun sis uras e mesa. Cunquai ha Davide Beer cuntanschì l’arrivada sco 53avel dals umens.
Il mender èn stads ils davos trais kilometers, quels n’èn betg stads da descriver, simplamain diraglia ed jau aveva mal dapertut.
RTR ha accumpagnà Davide Beer durant sia cursa en la Val Tujetsch.
