Siglir tar il cuntegn

Header

cuntegn

Passlung Il Tour de ski en Val Müstair duai avair lieu

Il concept da segirezza per las trais etappas dal Tour de ski a Tschierv è vegni approvà. Era quest enviern duessi dar cursas da passlung a Tschierv, quai dentant senza aspectaturs.

Trais etappas dal Tour de ski èn previsas il prim, ils dus ed ils trais da schaner da l’onn proxim en Val Müstair. L’organisaziun da las cursas da la cuppa mundiala en Val Müstair èn uss in grond pass pli datiers a la realisaziun da questas cursas.

Il chantun Grischun ha numnadamain acceptà il concept da segirezza che l’organisaziun da las cursas a Tschierv ha stipulà ensemen cun la Federaziun svizra da skis, Swiss ski. Tenor quel concept duai dar da Bumaun cursas da la cuppa mundiala a Tschierv, quai dentant senza aspectaturs.

Eveniment da televisiun

Per l’emprima giada dapi la premiera l’onn 2013 en Val Müstair, nua cha la regiun ha organisà l’emprima cursa da la seria da cursas dal Tour de ski, datti questa giada cursas senza aspectaturs. La permissa dad esser sin il plaz han mo atletas ed atlets cun lur accumpagnaders. Totalmain dastgan radund 600 persunas far part a las cursas da l’onn che vegn. Quel dumber includa er tut ils voluntaris, l’organisaziun, la polizia, il militar, la sanitad ed ils schurnalists.

Ord l'archiv:

RTR novitads 17:00

Artitgels legids il pli savens