Blers clubs da ballape en il Grischun han fadia da chattar arbiters. Ma senza arbiters na funcziuni betg. Per ch’in club po surviver e dastga dar campiunadi dovra el arbiters. La US Schluein Glion ha perfin gì ina seduta extraordinaria per chattar arbiters.
Bunura: Tschertgà arbiter – la federaziun prenda posiziun
02:24 min, ord Actualitad dals 03.02.2018.
laschar ir. Durada: 2 minutas 24 Secundas.
audio
Saira: Tschertgà arbiter – in clom d’agid era da la US Schluein Glion
03:03 min, ord Actualitad dals 02.02.2018.
laschar ir. Durada: 3 minutas 3 Secundas.
Bun 520 arbiters uffizials tschivlan emna per emna gieus da ballape en la Svizra Orientala. Davent da Sedrun fin a Romanshorn, davent da gieus d’equipas activas fin tar equipas da juniors.
La situaziun è fitg fitg acuta
Blers clubs han dentant bregias da chattar arbiters che tschivlan per lur club. Uschia era l’Uniun sportiva Schluein Glion. L’uniun è actualmain intensivamain a la tschertga da persunas che vulan far quest servetsch.
Daco dovra in club arbiters?
Avrir la boxSerrar la box
Senza arbiters na datti nagins gieus da ballape. Munta concret:
Sch'in club ha per exempel duas equipas activas che vulan dar campiunadi, sto il club metter a disposiziun in arbiter a la Federaziun da ballape da la Svizra Orientala. In arbiter che tschivla mintga fin d’emna gieus da campiunadi en la Svizra Orientala. Senza arbiters n'èsi betg pussaivel da tener sidretg il manaschi da campiunadi
Il problem d’arbiters n’è dentant betg in fenomen ch’i dat mo a Glion. Blers clubs en il Grischun han dapi onns da cumbatter cun la mancanza d’arbiters.
