Siglir tar il cuntegn
Inhalt

Regiunal Nino Schurter e Jolanda Neff vulan la stagiun perfetga

Els èn ils 2 megliers mountainbikers da la stagiun: Nino Schurter e Jolanda Neff. Omadus han gudagnà dumengia en la Val di Sole en l'Italia la cuppa mundiala generala.

Nino Schurter en acziun sin ses bike.
Legenda: Nino Schurter durant la cursa da la dumengia, ils 23.08.2015 en la Val di Sole. Keystone

Il sursilvan Nino Schurter ha gudagnà quella gia per la quarta giada, Jolanda Neff per la segunda giada en seria.

Mo enstagl da far gronda festa e suenter far vacanzas e ruassar dals strapazs treneschan omadus gia puspè. Nino Schurter e Jolanda Neff sa preparan en l'Engiadina sin il campiunadi mundial ch'è en 10 dis ad Andorra. Là vulan ils 2 mountainbikers da classa realisar la stagiun perfetga e gudagnar aur. Per realisar quella finamira trenescha Schurter a San Murezzan e Neff sin il pass dal Bernina.