Siglir tar il cuntegn
cuntegn

Regiunal Naginas cursas da chavals ad Arosa

Pervi da las temperaturas autas e la blera plievgia da las ultimas emnas ston las cursas da chavals sin naiv ad Arosa vegnir stritgadas. Las cursas eran prevesidas per ils 21 fin 28 da schaner 2018.

Cursa da chavals.
Legenda: Il 2018 na dastgan ils chavals betg currer sin il lai ad Arosa. La qualitad dal glatsch na po betg vegnir garantida. MAD

Las temperaturas autas e la blera plievgia da las ultimas emnas han procurà per questa decisiun. Era sch'ins quinta ils proxims dis cun temperaturas bassas na possia la qualitad dal glatsch betg vegnir garantida, scrivan ils organisaturs.

Il ristg finanzial da stuair dar giu las cursas a curta vista na veglia il comité d’organisaziun betg responsar. Ils organisaturs speran dentant da puspè manar atras las cursas da chavals ils 2019 sco usità ad Arosa.

RR novitads 15:00