Siglir tar il cuntegn

Header

Navigaziun

cuntegn

Regiunal Nagin classicher da velo a Val

La cursa da velo Ruinaulta-Glion-Val da dumengia, ils 5 da matg, n'ha betg lieu. La raschun è l’aura che prevesa temperaturas enturn nulla grads e schizunt naiv en la regiun da l’arrivada a Val.

Uschia èn ils organisaturs sa decidids da dir giu questa cursa gia dus dis avant. La segirtad dals participants haja prioritad, uschia Stefan Schwenke, il responsabel da medias.

Cursa da velo da Val vegn annullada.
Legenda: Gia fixà è il termin per il proxim classicher da velo da Panaduz tras la Ruinaulta fin a Val. MAD

La proxima cursa da velo da Panaduz tras la Ruinaulta fin a Val ha lieu ils 3 da matg 2020. Fin oz eran bunamain 150 ciclistas e ciclists s’annunziads per la cursa da dumengia, tranter auter er Vital Albin, il spezialist da mountainbike ch’ha gudagnà l’onn passà quest classicher cun velo da via.

RR novitads 14:00