Siglir tar il cuntegn

Header

cuntegn

mountainbike Nagin Swiss Bike Cup a Savognin

Malgrà la schluccada dal Cussegl federal pervi dal coronavirus che lubescha puspè d'organisar occurrenzas cun fin 1'000 persunas na datti nagina etappa dal Swiss Bike Cup a Savognin, quai ha decis il comité d’organisaziun da Savognin.

Ils organisaturs na possian betg garantir che las mesiras da segirtad vegnian tegnidas en durant la stagiun auta, er perquai che pliras purschidas turisticas sa chattian dasper il traject da cursa, uschia Christian Züger, president dal comité d'organisaziun. Spustar la cursa sin l’atun na fetschia er betg senn perquai ch’il chalender saja lura gia emplenì cun cursas da la cuppa mundiala ed ulteriuras cursas regiunalas.

Nino Schurter.
Legenda: Nino Schurter è a la testa. Keystone

Eventual il 2021 a Savognin

A Savognin era planisà l’entschatta avust per l’emprima giada dapi blers onns puspè ina giada cursas da mountainbike da la cuppa svizra. La finamira è uss da resguardar Savognin en il chalender da cursas dal Swiss Bike Cup da la stagiun 2021, quai in’emna avant u in’emna suenter las cursas da la cuppa mundiala a Lai per uschia porscher als atlets ina purschida da cursas interessanta en il Grischun.

audio
Per tadlar curt e cumpact
ord Novitads dals 25.06.2020. Maletg: RTR
laschar ir. Durada: 1 minuta 14 Secundas.

RTR novitads 10:00

Artitgels legids il pli savens