365 dis
La preparaziun per il maraton ha gia daditg cumenzà. Dasper la lavur dal comité d’organisaziun e da la cumissiun vegn tiers anc in pensum da 350% da plazzas che lavura l’entir onn per organisar il maraton. En ils ultims 4-5 mais avant la cursa populara èn engaschadas 7 persunas che lavuran a temp cumplain per la cursa. Ed al di dal maraton vegnan tiers anc 1’500 voluntaris e lavurants.
13’000 participants
Al 47avel Maraton da skis engiadinais vegnan spetgads var 13’000 curridurs. Ils passlungists derivan da passa 60 differentas naziuns.
100 bus
Per transportar tut ils participants, ils voluntaris, ils lavurants e ils aspectaturs metta Engadin Bus a disposiziun var 100 bus. Era la Viafier Retica prenda ina gronda part da l’infrastructura en Engiadina per pudair transportar tut la glieud.
8’000 bananas
Per ch’ils passlungists hajan avunda forza per dumagnar il maraton datti ina massa proviant.
Per la said è procurà per:
- 70 000 purziuns Isostar
- 30 000 purziuns té
- 15 000 purziuns buglion
- 10 000 purziuns ovomaltina
- 80 000 purziuns aua
Ma era per la fom:
- 8’000 bananas
- 28’000 rigels dad Isostar
- 200'000 tschigulattas