Ils davos onns ha il trassé da passlung a Sedrun numnadamain stuì guntgir l'enorm plazzal da lavur da la NEAT. Uss èn quellas lavurs a Sedrun a fin. Il plazzal è rumì ed i dat puspè dapli plaz per ina loipa pli attractiva, pli lada e main spundiva.
Cologna, Perl e Fischer partan a Sedrun
Attractiva è era la glista dals participants al Maraton da la Surselva. Il traidubel campiun olimpic Dario Cologna ha tscharnì la cursa a Sedrun per ses return suenter sia pausa da blessura. Cologna desista persuenter da la Marcialonga en la Val di Fiemme. A Sedrun vul Cologna sa preparar per ils 50 kilometers al legendar Holmenkollen ad Oslo en in'emna.
Sper Cologna parta era ses collega da la naziunala svizra Curdin Perl ch'ha gia gudagnà l'onn passà il maraton da la Surselva. Era a la partenza è l'anteriur atlet da la cuppa mundiala e victur dal Planoiras Remo Fischer.
Partenza als 25 kilometers en il stil liber dal Maraton da la Surselva è dumengia a las 11.00 uras.
Sportissimo 17:00