Siglir tar il cuntegn

Regiunal Manaschi da famiglia tar US Danis-Tavanasa

Il bab di tge ch'è da far, ils fegls sajettan ils gols. Uschia funcziuneschi il mument en l'Uniun sportiva Danis-Tavanasa, l'equipa da ballape da la quarta liga ch'ha bunas schanzas sin la promoziun en la terza liga.

Ballape
Legenda: La stagiun da ballape cumenza tar ils clubs regiunals. RTR

Gabriel Derungs è il trenader da l'equipa, ses dus fegls Curdin e Gianin èn attatgaders e sajettan gols tut a dubel. Ultra da quai è Curdin anc capitani e trenader assistent.

Schanza sin promoziun

Er quest onn ha l'equipa da Gabriel Derungs la schanza sin la promoziun. Gudogna Danis-Tavanasa numnadamain l’ emprim gieu da la runda da primavaira, lura surprendess l'equipa silmain ad interim la testa da la tabella. Danis-Tavanasa dat sonda saira ordaifer encunter l'equipa glarunaisa Linth 04.

Sportissimo 17:00