Dapi dus onns abita e viva Curdin Orlik a Frutigen en il chantun Berna. Pervia da quai ha Curdin Orlik era midà da la federaziun da lutga grischuna tar la federaziun bernaisa. Uschia na capiti betg pli savens che gest omadus frars Orlik èn da vesair sin la medema plazza da lutga. Tar la lutga Grischun-Glarunaisa è quai dentant puspè il cas.
Nov lutgaders cun cranz federal ad Arosa
La glista da participants a la festa Grischun-Glarunaisa è uschia attractiva sco dapli ditg betg pli. Gest nov lutgaders cun cranz federal èn da la partida tar la lutga. Uschia sper ils frars Armon e Curdin Orlik era il victur da la lutga dad Unspunnen 2011 Daniel Bösch, il giuven Sämi Giger, ed il lutgader da record Nöldi Forrer.
Armon Orlik vul defender il titel
La stagiun vargada ha Armon Orlik pudì gudagnar la lutga Grischun-Glarunaisa a S-chanf en Engiadina, quai suenter sia pausa da ferida pervi dad in accident tar la lutga dal chantun Argovia a Brugg. La victoria da la lutga Grischun-Glarunaisa da l’onn passà era anc pli impurtanta, gist pervi ch’ella è reussida ad Orlik suenter diversas emnas pausa.
RR actualitad 11:00