Siglir tar il cuntegn

Header

cuntegn

Regiunal Luca Tavasci – grondas emoziuns als paralimpics

Luca Tavasci da Samedan è stà l’unic passlunghist svizzer als gieus paralimpics a PyeongChang. Cun bleras impressiuns ès el turnà a chasa.

Luca Tavasci da Samedan ha plaschair dal sport. L’emprim ha il sportist da 24 onns cumenzà cun il sport da bike. Lura vuleva el far insatge era durant l’enviern ed uschia è Tavasci vegni tar il passlung. Suenter ils emprims pass sin ils skis da passlung è per el stà cler: quest na fatsch jau betg ditg. E tuttina ha Tavasci cuntinuà cun il sport. Tar il center da passlung dad «Engadin Nordic» ha Tavasci lura emprais il sport davent da la basa. Grazia al sustegn dad «Engadin Nordic» sco er da la fundaziun «Greenhope» che sustegna giuvens sportists, è Luca Tavasci avanzà fin tar la delegaziun Svizra che ha savì viagiar als paralimpics.

audio
Luca Tavasci emprims pass
ord Actualitad dals 27.03.2018.
laschar ir. Durada: 3 minutas 8 Secundas.
Jau hai duvrà in tschert temp dad acclimatisaziun en Corea dal Sid
Autur: Luca Tavasci passlunghist Samedan

Ils paralimpics a PyeongChang han cumenzà per Luca Tavasci cun la cursa da 20 kilometers. Il sportist Engiadinais è partì malsegir en l’emprima cursa. Da cursa a cursa è quai dentant vegnì meglier. Sia meglra prestaziun ha Tavasci alura mussà sur 10 kilometers, nua ch'el ha terminà la cursa sin plaz 16.

audio
Luca Tavasci sur dals Paralimpics
ord Actualitad dals 27.03.2018.
laschar ir. Durada: 4 minutas 6 Secundas.

Medaglias da Théo Gmür sco motivaziun

Cun trais medaglias dad aur olimpicas è il skiunz Théo Gmür stà la gronda figura dals gieus paralimpics. Gmür ha era visità las cursas da Luca Tavasci. Ensemen cun il campiun olimpic ha Tavasci savì festivar ses success. Las medaglias dal skiunz vallesan èn inspiraziun e motivaziun per Tavasci da cuntinuar sin sia via. En futur vul il passlunghist da Samedan investir anc dapli temp e forza en il sport. Il studi ha perquai da star enavos in pau per il mument.

audio
Luca Tavasci motivaziun tras Théo Gmür
ord Actualitad dals 27.03.2018.
laschar ir. Durada: 5 minutas 13 Secundas.

RR Sportissimo 17:00

Artitgels legids il pli savens