Siglir tar il cuntegn

Header

cuntegn

Livio Bieler «Jau sun cuntent d’esser stà a Trondheim»

Avant strusch in onn è Livio Bieler vegnì bittà ord il cader naziunal da Swiss Ski. I mancavan ils resultats. Per il passlungist da Panaduz è quai stà ina dira frida. Bieler ha sinaquai schizunt ponderà da terminar la carriera. Mo dar si uschè svelt n’ha il giuven da 27 onns tuttina betg vulì.

Livio Bieler ha perquai fatg satg e pac ed è ì a Trondheim en la Norvegia a trenar. Durant l’entira stad ed atun da l’onn passà ha el trenà là di per di, savens tut persul e sin agen cust.

I n’è betg adina stà simpel en Norvegia, er betg da trenar quasi adina tut sulet.
Autur: Livio Bieler passlungist professiunal
audio
Passlung: Livio Bieler davart si'aventura a Trondheim
ord Actualitad dals 01.02.2021.
laschar ir. Durada: 3 minutas 24 Secundas.

Dapi l’entschatta da l’enviern è Livio Bieler puspè a chasa, a Panaduz. El trenescha il mument sin las loipas grischunas cun la finamira da puspè survegnir in plaz en il cader naziunal. In emprim signal positiv envers ils responsabels da Swiss Ski ha el tramess cun gudagnar dacurt il titel da campiun svizzer en la cursa da persecuziun a Sedrun.

Prender di per di

Sch’i na tanscha betg per il cader naziunal da passlung è Livio Bieler puspè sfurzà dad ir sur ils cudeschs la fin da la stagiun. Forsa mainia sia via lura puspè vers il nord. Blera rauba haja el numnadamain laschà a Trondheim.

Actualitad 17:00

Artitgels legids il pli savens