Siglir tar il cuntegn
cuntegn

Regiunal Janka e Niederreiter: Ensemen vai meglier

In è skiunz da classa, l'auter hockeyan excellent. Però il trenament da stad fan els communablamain. Carlo Janka e Nino Niederreiter treneschan ensemen forza e cundiziun per esser pront per la proxima stagiun.

Legenda: Guardar il video Niederreiter e Janka en trenament. Durada 01:01 minutas.
Or da RTR dals 03.06.2017.

Carlo Janka e Nino Niederreiter èn champiuns da sport en disciplinas dal tut differentas. Carlo Janka è champiun mundial ed olimpic da skis, Nino Niederreiter «crack» da hockey che ha fatg il pass en la meglra liga da hockey dal mund. Era sche Janka e Niederreiter fan sports dal tut differents, treneschan els ensemen per il proxim enviern.

Uschia vai bler pli facil. La lavur da la stad sa paja l’enviern.
Autur: Carlo Jankacampiun da skis

En ina halla da producziun en la zona d’industria da Cuira han ils sportists endrizzà lur plaz da trenament. Tranter lavurers sut il tetg filan Carlo Janka, Nino Niederreiter, ils frars Gino e Mauro Caviezel e Thomas Tumler vi da lur furma. Ensemen treneschan ils stars da ski e da hockey per il proxim enviern.

Ils sports èn differents, perquai èn era ils trenaments individuals. Ensemen vai dentant meglier.
Autur: Nino Niederreitercampiun da hockey

RR sportissimo 17:00