Siglir tar il cuntegn

Regiunal Ils chavals fan puspè sigls a Zuoz

«Minibee de la Pierre», «Calido’s Figaro» u lura era «Vigo de Coco». Tut nums da chavals che participeschan questa fin d’emna al Concours Hippique a Zuoz.

In chavaltgader durant il Concours Hippique da Zuoz l'onn 2010.
Legenda: In chavaltgader durant il Concours Hippique da Zuoz l'onn 2010. Concours-Zuoz.ch

La concurrenza da siglir cun chaval en l’Engiadin’Ota ha ina lunga tradiziun. Dapi quasi in mez tschientaner s’entaupa la famiglia da chavaltgaders adina la segunda fin d’emna d’avust a Zuoz tar il Concours Hippique.

Fin dumengia sa mesiran chavaltgadras e chavaltgaders indigens e da la Bassa en 16 differentas provas, dal percurs cun obstachels da 90 centimeters fin a 1 meter e 35. Il punct culminant dal Concours Hippique a Zuoz è segir il Grond Premi da l’Engiadina la dumengia saira, in percurs cun obstachels dad 1,35 meters.