Siglir tar il cuntegn
Inhalt

Regiunal Il HSV na turna betg en Surselva

Ballape da classa internaziunala en Surselva, quels temps èn per il mument vargai. Grischun vacanzas ha terminà la collavuraziun cun il Hamburger Sportverein. Quai vul dir ch'il HSV che ha trenà las ultimas duas stads a Schluein na turna betg pli en Surselva.

Purtret da la squadra dal HSV a Schluein.
Legenda: Il HSV sin la plazza da ballape a Schluein. Keystone

Sch'ina equipa tudestga da renum sco il Hamburger SV trenescha a Schluein amez la regiun turistica da Flem, Laax, Falera, lura vegn ella accumpagnada da schurnalists, fotografs e d'equipas da televisiun. Quai è buna reclama. Tuttina ha Grischun vacanzas decidì suenter duas stads da na betg prolungar il contract da collavuraziun cul Hamburger Sportverein.

Duas raschuns principalas

Tenor il directur da Grischun vacanzas Martin Vincenz haja quai duas raschuns principalas. Ina saja ch’ins veglia sa concentrar en l’avegnir en la vendita e perquai desister da charas campagnas dad image. L’autra raschun sajan ils custs. In’equipa sco il HSV na vegni betg gratuitamain en il Grischun. E sch’ils custs sajan auts, lura stuess quai dar ina cuntravalur, vul dir in augment marcant da las pernottaziuns. Quai n'è evidentamain betg stà il cas.

RR actualitad 17:00