Siglir tar il cuntegn
cuntegn

Regiunal Il campiunadi mundial stat avant porta

Nagina pausa per ils fans da sport da skis. Dumengia saira va a fin il campiunadi mundial da ski alpin a Vail/Beaver Creek – e gia mesemna saira è la festa d’avertura dal proxim campiunadi mundial.

Gianluca e Dario Cologna
Legenda: Da san: Gianluca e Dario Cologna Keystone

Quel da ski nordic a Falun en Svezia. Avant che quell’entschaiva datti dentant anc in’emprova generala.

È quella è medemamain en Svezia. Ad Östersund datti la fin d’emna las proximas cursas da la cuppa mundiala da passlung, las davosas avant il campiunadi mundial a Falun.

Avant ch’il trumf svizzer Dario Cologna e ses frar Gianluca èn partids viers Falun han noss reporters da sport Ursin Lechmann e Roger Alig discurrì cun ils frars.
La sonda datti ad Östersund in sprint classic, la dumengia ina cursa da 15 kilometers en il stil liber.
Il Radio Rumantsch rapporta en ils sportissimos tranter las 17:00 e las 18:00.