HSV vegn puspè en Surselva

Suenter la premiera da l’onn passà suonda ina segunda ediziun dal champ da trenament dal Hamburger Sport-Verein HSV en Surselva.

Giugaders dal HSV durant in trenament a Schluein.

Legenda da maletgs: Il giugader svizer Johan Djourou cun ses collegas da team duran in trenament a Schluein l'onn passà. Keystone

Dals 30 da zercladur fin ils 4 da fanadur trenescha l’equipa dal trenader Bruno Labbadia a Schluein, quai communitgescha l’organisaziun da turissem Grischun Vacanzas. Il gieu da test cunter il club local US Schluein Glion è ils 2 da fanadur a las 18:00.

«  Las premissas da trenar en Surselva èn idealas.  »

Bruno Labbadia
trenader dal HSV

Pussaivel è quai grazia al partenadi che Grischun Vacanzas ed il HSV han lantschà il 2014. Il trenader dal club da la Bundesliga sa legra da puspè vegnir cun ses team da 60 persunas en Surselva. «Las premissas per il champ da trenament da l'onn passà èn stadas optimalas. Las relaziuns da trenament en idealas. Perquai ans legain nus fitg da puspè absolvir nossa preparaziun per la stagiun en il Grischun.»

La delegaziun dal HSV vegn er quest onn a prender dimora en il rockresport ed en il hotel Signina a Laax.

RR novitads 10:00