Siglir tar il cuntegn
Inhalt

Regiunal HSV vegn a trenar en Surselva

Il club da ballape tudestg Hamburger SV vegn la proxima stad en la Surselva per trenar. En il rom dal partenadi fixà l'onn passà cun Grischun Vacanzas ha il champ da trenament dal HSV lieu en la regiun Flem Laax Falera, quai communitgescha l'organisaziun da turissem.

Legende: Video HSV vegn a trenar a Schluein abspielen. Laufzeit 03:10 Minuten.
Or da Telesguard dals 20.02.2015.

Ils trenaments dal club da la Bundesliga hajan lieu sin il plaz da ballape dal US Schluein Glion. Per quai intent vegn il plaz adattà a las normas internaziunalas.
Dasper la delegaziun dal HSV cun var 60 persunas spetgan ils responsabels da la regiun Flem Laax Falera era plirs tschients fans dal HSV.

L'equipa da la Bundesliga vegn ad absolver ses trenament durant la segund'emna dal fanadur. Sco quai che Peter Knäbel dal HSV ha manegià, speria el che l'equipa chattia en il Grischun la robustadad da l'animal da vopna dal Grischun per la stagiun vegnenta. Tar il HSV giogan era dus ballapedists da l'equipa naziunala svizra, Valon Behrami e Johan Djourou.

RR novitads 15:00