Il Club da hockey da Cuira collavura en l'avegnir cun ils SCL Tigers. Il club bernais porschia las cundiziuns da rama optimalas, communitgescha l'EHC Cuira. Cun la collavuraziun possia il club profitar da l'experientscha e da l'organisaziun professiunala dals Tigers. E quai tant sin il glatsch sco er davos las culissas.
L'EHC Cuira scriva, ch'i saja impurtant d'avair in partenari per in club en la Swiss League. Cuira ha avant curt fatg la promoziun en la liga. La collavuraziun saja impurtanta da professiunalisar il club. Giuvens talents hajan cunquai la pussaivladad da dar sin il stgalim ed en la liga adattada. La collavuraziun è ina giada fixada per in onn durant la stagiun 2024/25.
